Կենտրոն հեռուստաընկերությամբ եթեր հեռարձակվող «Մարտական ակումբ» հաղորդաշարը10 տարեկան է.
Այս տաս տարիների ընթացքում հաղորդաշարը հասցրել է ձեռք բերել մեծ ճանաչում, սիրվել հեռուստադիտողների և հատկապես հայազգի մարզիկների կողմից` արժանանալով բարձր գնահատանքի.
Լինելով սպորտային հաղորդաշար` այն իր նպատակային աշխատանքով ձեռք է բերել բարձր վարկանիշ և այսօր համարվում է ոլորտի առաջատարներից մեկը, քանի - որ հենց այս հաղորդաշարի շնորհիվ է, որ թե՛ Հայաստանում և, թե՛ Հայաստանի սահմաններից դուրս բնակվող հայազգի մարզիկների սպորտային կյանքի, կարիերայի մասին ստանում ենք լիարժեք ինֆորմացիա.
Եթե չլիներ այս հաղորդաշարը, ապա շատ հայազգի մարզիկներ իրենց հաջողություններով ու հաղթանակներով կմնային ստվերում. Ուստի հարկ է նշել, որ այս հաղորդաշարը հայազգի մարզիկների ճանաչման գործում կարևոր տեղ է զբաղեցնում.
Հատկանշական է նշել, որ «Մարտական ակումբ» հաղորդաշարի ստեղծման և կայացման գործում իր մեծ դերն ունի հաղորդաշարի հեղինակ և մեկնաբան` Հայկ Ղուկասյանը ( ով հանդիսանում է նաև ՀՀ սպորտի և երիտասարդության հարցերի նախարարի խորհրդականը, ինչպես նաև «Պրոֆեսիոնալ «ԱրմՖայթինգ» ֆեդերացիայի» նախագահը ). 
Ուստի նախ և առաջ տոնական շնորհավորանքներ ու բարեմաղթանքներ պետք է հղել հենց հեղինակին` այս յուրահատուկ հաղորդաշարի ստեղծման, զարգացման գործում ներդրած իր ավանդի, նվիրումի, ինչպես նաև բարեխիղճ և արդյունավետ աշխատանքի համար` մաղթելով անխափան ու հարատև եթերներ, ստեղծագործական վերելքներ.

www.armfc.com կայքն իր անկեղծ ու ջերմ շնորհավորանքն է հղում «Մարտական ակումբ» հաղորդաշարի հեղինակ և մեկնաբան Հայկ Ղուկասյանին` հաղորդաշարի 10 - ամյակի առիթով, և մաղթում նորանոր հաջողություններ ու ձեռքբերումներ.

Շնորհավոր